هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منحة وزارة الاتصالات (2007-2008)
هو منتدى خاص بالطلبه التى تم قبولهم بمنحة وزارة الاتصالات واتمنى ان يكون هناك مشاركا ت جاده من كل الافراد كما اتمنى ان يكون هناك نقاش جاد وتعارف جاد واسلوب راقى فى الحوار من اجل تواصل دائم
موضوع: من وحي المنحة (قبل ظهور النتيجة)- محمود جاد السبت يناير 19, 2008 2:38 am
من يوم ما عرفت المنحة وحياتي ما فيهاش فرحة ونتيجة شايفها بعيييييييييييييييييييييدة بملامح و ماهيش واضحة
من يوم ما قالولي ترشيح و أنا قلت ها خدها وأطيح أتاريها بقت تفاريييييييييييييييييييييييح و عروسة من غير طرحة **************** منحة دي .. و لا دي محنة بكلام ما لهوش سحنة عمال بيطــــــوحـــــــــــنا في سكك ضلمة وكالحة
حاسس جوايا بالقهر و في عز البرد .. بحر نفسي أرسى في يوم على بر و اطلع م الميه المالحة **************** السنة دي .. أنا لو محظوظ اقبل في المنحة .. يجوز ومصر في غانا تفوز رغم ظروفها ماهيش سانحة
بأدعي من قلبي الحاير أطلع من شهر يناير وألقى نفسي في فبراير بنتيجة تكون فالحة **************** قاعدين نبني احتمالات ومقالب و إشتغالات مش ناقصة كلام حكايات وتعب أعصاب و مأوحة
نفسنا نرسى على أمارة و كفايا علينا يا وزارة ضغط وسكر ومرارة وكمان هاتجيلنا القرحة **************** قاعد في البيت مستني و مافيش رد يطمني قلت اكتب شعر واغني مش كده أحسن ع الصحة ..؟
emastar
عدد الرسائل : 30 تاريخ التسجيل : 18/01/2008
موضوع: رد: من وحي المنحة (قبل ظهور النتيجة)- محمود جاد السبت يناير 19, 2008 5:15 am
قاعد في البيت مستني و مافيش رد يطمني قلت اكتب شعر واغني مش كده أحسن ع الصحة ..؟
هههههه عندك حق المنحة فعلا كانت محنة تسلم ايدك
ezz-eldeen
عدد الرسائل : 10 تاريخ التسجيل : 19/01/2008
موضوع: رد: من وحي المنحة (قبل ظهور النتيجة)- محمود جاد الأحد يناير 20, 2008 7:35 am
رائع أخى محمود جاد واسمحى اشارك من وحى - ما بعد النجاح فى المنحة -
سيبك بقى من اللى فات وانسى الأيام المرة دلوقتى خلاص ونجحنا وهنشد رحالنا ونبدأ وهنجهز أوراقنا وأقلامنا ومساطرنا وهنظبط حواسبنا ... علشان تقدر تخدمنا
ويا رب يوفقنا جميعاً علشان نخدم فى مجالنا وطموحنا خلاص أهو قرب وهنحقق أحلامنا
قول يا رب ساعدنا إننا نقدر ع المنحة ووفقنا يا رب وبارك فى اصحابنا وحبايبنا علشان نكمل بعض ياللا ... إيديكوا فى ايدنا
مع تحياتى
#heba#
عدد الرسائل : 2 تاريخ التسجيل : 17/01/2008
موضوع: رد: من وحي المنحة (قبل ظهور النتيجة)- محمود جاد الأحد يناير 20, 2008 12:18 pm
ما شاء الله المنحة بتطلع مبدعين حتى فى الشعر و حتى من قبل ما يدخلوها و الله الكلام فظيع و محصلشى و اضح يا عز الدين انك عندك موهبه و بتحتاج الالهام تقدر تكتب لينا كلمتين على اللى بيحصل فى غزة
heba khaled
عدد الرسائل : 4 تاريخ التسجيل : 18/01/2008
موضوع: رد: من وحي المنحة (قبل ظهور النتيجة)- محمود جاد الأحد يناير 20, 2008 3:29 pm
هههههههههههههه
جميلة اوووووووووووووى قبل وبعد
محمود جاد & ezz-eldeen ماشاء الله عليكم وربنا يوفقنا جميعا فى المنحة يارب
ابو يوسف
عدد الرسائل : 7 العمر : 39 تاريخ التسجيل : 19/01/2008
موضوع: wonderful الجمعة يناير 25, 2008 10:28 am
بجد ايه الابداع ده شعر جامد جدا انت المفروض تكتب لعمرو دياب يابنى