اسم التراك : Data Base Application Development and Administration
التكنولوجي المستخدم : مايكروسوفت
القصة وما فيها كالاتي المنحة هاتوفر لينا شهادتين وامتحان من ضمن تلات امتحانات لشهادة تالتة وبعد كدة ممكن تكمل انت للرابعة والاخيرة والترقيات بتاعتها
السؤال هنا اية هما الشهادات اللي هاتقدمها المنحة ؟؟ الاجابة تلات شهادات كالأتي
1- MCP
2- MCDBA
3- MCAD
عشان نعرف اكتر عن الشهادات دي نبدأ بشهادة
MCP
Microsoft Certified Professional
الشهادة دي هي بداية لشهادات مايكروسوفت المعتمدة كلها ولازم أي حد ناوي يسلك طريق مايكروسوفت يكون معاة الشهادة دي والشهادة دي بتؤهل لحاجة جميلة جدا وهي استخدام بيئة الويندوز استخدام صحيح وباحترافية في الصيانة والمشاكل وحلولها في نظم التشغل وعشان يتم الحصول على الشهادة دي بيتم دراسة حاجتين
Managing a Microsoft® Windows® Server 2003 Environment
Maintaining a Microsoft Windows Server 2003 Environment
ويتم بعد كدة دخول الامتحان ... اسم الامتحان C 70-290
ان شاء الله يتم النجاح ويبقى كدة الاسم الخاص بالشهادة MCP عدد الحاصلين على هذه الشهادة على المستوى العالمي حوالي 2 مليون شخص على مستوى العالم كلة طبعا الشهادة دي اقوى كثيرا من ICDL وفي نفس الوقت مالهاش علاقة ب MOS او تطبيقات سطح المكتب بس هي شهادة قوية وطبعا دولية
تاني شهادة اسمها .. MCDBA
Microsoft Certified Database Administrator
الشهادة دي في غاية الجمال ... شهادة قوية والشهادة دي الحاصل عليها قادر على تصميم وتطوير وصيانة الداتا بيز عن طريق برامج مايكروسوفت واشهرهم طبعا واللي بيتم دراسة هو SQL
طيب عشان دراسة الشهادة دي اية المطلوب ؟؟ مطلوب دراسة الاتي
Querying Microsoft SQL Server 2005 with Transact-SQL
Administering a Microsoft SQL Server 2005 Database
Programming a Microsoft SQL Server 2005 Database
Introduction to Visual Basic .NET
ويتم دخول امتحانين
وهما C 70-228 و C 70-229
وبعد كدة يبقى الناجح فيهم ان شاء الله حاصل على شهادة اسمها
MCDBA وطبعا مش هاينفع دخول الامتحانين دول الا بعد اجتياز الامتحان الاول وهو C70-290
عدد الحاصلين على هذه الشهادة على المستوى العالمي حوالي 145 الف شخص منهم 17 الف في الشرق الاوسط .. عدد مش كبير
تالت شهادة بيتم دخول امتحان واحد منها وبيبقى فاضل امتحان بصراحة مش عارف هل بيتم دخولة ام لا
بس كدة او كدة اعتقد ان الناس المقدمين اغلبيتهم ممكن يخشوة على حسابهم والشهادة دي اسمها
MCAD
Microsoft Certified Application Developer
لان طبعا مصمم قواعد البيانات الخاصة بمايكروسوفت لازم يكون عندة القدرة على ربط قواعد البيانات وتصميماتها وبيتم دراسة الاتي ودخول الامتحان الاتي ذكره :
Programming with Microsoft .NET
Programming with Microsoft Visual Basic .NET
Developing Microsoft .NET
Applications for Windows (Visual Basic .NET)
Programming with Microsoft® ADO.NET
ويتم دخول الامتحان C 70-306 وكدة يبقى فاضل امتحان اسمة C 70-315 والامتحان دة اعتقد المنحة مش هاتوفرة الا للمقدمين في تراك سوفت وير .. عشان دة تخصص سوفت وير بس لو تم دخول الامتحان دة هاتبقى حاصل على شهادة اسمها
MCAD
طبعا كدة ممكن تخش امتحانين تانين على حسابك ومذاكرتك طبعا عشان تحصل علىMCSD
بس اعتقد انك كدة هاتكون دخلت في مجال البرمجة اوي ... او مجال تطوير الحلول ودة مش هتحتاجة كراجل بتاع داتا بيز
طبعا الحاصلين على الشهادتين الاخيرتين بالترتيب من موقع مايكروسوفت 54 الف ... و 26 الف منهم في الشرق الاوسط بس 4000 الاف عدد قليل اعتقد
طبعا الترقيات MCTS و MCPIT في التخصصات الخاصة باالداتا بيز طبعا دول عايزين شرح مفصل هابقى اشرحهولكم في اقرب فرصة
تمنياتي بالنجاح والتوفيق ويا ريت يا جماعة اللي يقدر يفيدنا بحاجة في تخصصة ويعرفنا شهاداتة ماشية ازاي ما يبخلش علينا وعلى زملائه مع اطيب التمنيات بالتوفيق